Deep seek News | અમેરિકામાં દાયકો થાયને કોઈને કોઈ મોટો પરપોટો ફૂટતો હોય છે, 2000ની સાલમાં ડોટકોમ પરપોટો ફૂટયો તો 2009ની સાલમાં સબપ્રાઇમ કટોકટી આવી તેના પછી 2020ની સાલમાં કોવિડે ફટકો માર્યો. હવે તેની ઝડપથી વિકસતી એઆઇ ઇન્ડસ્ટ્રીનો પરપોટો ફક્ત એક ચાઇનીઝ એઆઇ એપ્લિકેશન ડીપસિકથી ફૂટી ગયો છે. ચિપ ઉત્પાદક એનવિડીયાના 593 અબજ ડોલર એટલે કે લગભગ 54 લાખ કરોડ રુપિયાનું બજારમૂલ્ય સ્વાહા થઈ ગયું છે. આમ ભારતના એક વર્ષના 50 લાખ કરોડના બજેટ કરતાં પણ વધુ મૂલ્ય એક જ દિવસમાં ખતમ થઈ ગયું છે. એનવિડીયાના શેરે લગભગ 17 ટકાનો ઘટાડો નોંધાયો હતો. જ્યારે તેના સપ્લાયર એડવાન્ટેસ્ટનો શેર જાપાનમાં મંગળવારે દસ ટકા ઘટયો હતો.