હાઈ સ્કોરિંગ મેચથી કંટાળ્યા ગૌતમ ગંભીર, ગુસ્સામાં બોલ કંપનીને બદલવાની કરી દીધી માગ

Image: Facebook

Gautam Gambhir: IPL 2024 માં ઘણી હાઈ સ્કોરિંગ મેચ થઈ ચૂકી છે. થોડા દિવસ પહેલા સનરાઈઝર્સ હૈદરાબાદ અને મુંબઈ ઈન્ડિયન્સની મેચમાં 549 રન બન્યા હતા. આ મેચમાં 38 સિક્સર સહિત 81 બાઉન્ડ્રી થઈ. મંગળવારે કેકેઆર વિરુદ્ધ રાજસ્થાન રોયલ્સની મેચમાં પણ બંને ટીમ તરફથી 200થી વધુ રન બન્યા.

ગૌતમ ગંભીરે IPL માં ડ્યૂક બોલના ઉપયોગની વકાલત કરી

બોલર્સ માટે સૌથી મોટી સમસ્યા એ છે કે પિચથી તેમને કોઈ મદદ મળતી નથી અને 20 ઓવરમાં બોલ મૂવ કરતી નથી. સપાટ પિચ અને બોલમાં કોઈ હલચલ ન થવાના કારણે આ સીઝનમાં બોલર્સની જોરદાર ધોલાઈ થઈ રહી છે.

આ દરમિયાન કોલકાતા નાઈટ રાઈડર્સના મેન્ટર ગૌતમ ગંભીરે કહ્યું કે ક્રિકેટ બોલ બનાવનારી કંપનીને બદલવાની જરૂર છે. અત્યારે કૂકાબુરા કંપનીના બોલથી IPL મેચ રમાઈ રહી છે. તેણે કૂકાબુરાના બદલે ડ્યૂક કંપનીના બોલનો IPLમાં ઉપયોગ કરવાની વકાલત કરી છે. 

ગૌતમ ગંભીરે કહ્યું, જો કોઈ કંપની 50 ઓવર સુધી ચાલનારી બોલને મેન્યુફેક્ચર કરી શકતી નથી, તો પછી અન્ય કંપનીના બોલથી રમવાની જરૂર છે. IPLની મેચમાં માત્ર કૂકાબુરા બોલનો જ ઉપયોગ કરવાની એવી શું મજબૂરી છે.