Image: X BCCI
ICC ને આપેલા ઈન્ટરવ્યુમાં જ્યારે યુવીને પૂછવામાં આવ્યું કે, આ વખતે સેમીફાઈનલમાં કઈ ચાર ટીમો એવી છે જે સેમીફાઈનલમાં પહોંચી શકે છે.
યુવરાજ સિંહના જણાવ્યા અનુસાર ભારત, પાકિસ્તાન, ઈંગ્લેન્ડ અને ઓસ્ટ્રેલિયાની ટીમો આ વર્ષે અમેરિકા અને વેસ્ટ ઈન્ડિઝમાં યોજાનાર T-20 વર્લ્ડ કપની સેમિફાઈનલમાં પહોંચશે.
ભારતીય ટીમ વર્ષ 2007માં પહેલીવાર T-20 વર્લ્ડ કપ જીતવામાં સફળ રહી હતી. 2007 T-20 વર્લ્ડ કપમાં ભારતને વર્લ્ડ ચેમ્પિયન બનાવવામાં યુવરાજના પ્રદર્શનની મોટી ભૂમિકા હતી. ઈંગ્લેન્ડ સામેની મેચમાં યુવીએ સતત 6 બોલમાં 6 સિક્સર ફટકારી હતી જેને ચાહકો આજ સુધી ભૂલી શક્યા નથી.
યુવીએ સ્ટુઅર્ટ બ્રોડના સતત 6 બોલમાં 6 સિક્સર ફટકારી હતી. 2007 T-20 વર્લ્ડ કપમાં યુવરાજ સિંહે 6 મેચની 5 ઇનિંગ્સમાં બેટિંગ કરતા 148 રન બનાવ્યા હતા. આ T-20 વર્લ્ડ કપમાં ભારતનું નેતૃત્વ ધોની (MS Dhoni) દ્વારા કરવામાં આવ્યું હતું.
વેસ્ટ ઈન્ડિઝની ટીમે સૌથી વધુ વખત T-20 વર્લ્ડ કપનો ખિતાબ જીત્યો હતો. વેસ્ટ ઈન્ડિઝે 2012 અને 2016માં ટાઈટલ જીતીને અજાયબીઓ કરી હતી. આ ટીમો સિવાય શ્રીલંકાએ એકવાર T20 વર્લ્ડ કપનો ખિતાબ જીત્યો છે. શ્રીલંકાએ વર્ષ 2014માં ભારતને હરાવીને ટાઈટલ જીત્યું હતું.
ભારત ઉપરાંત પાકિસ્તાનની ટીમે પણ વર્ષ 2009માં T20 વર્લ્ડ કપનો ખિતાબ જીત્યો હતો. આ સાથે જ ઈંગ્લેન્ડ 2010 અને 2022માં ટાઈટલ જીતવામાં સફળ રહ્યું હતું. ઓસ્ટ્રેલિયન ટીમ 2021માં T20 વર્લ્ડ કપનો ખિતાબ જીતવામાં સફળ રહી છે.