અમદાવાદ,ગુરૂવાર
અમદાવાદના છેવાડામા પર આવેલા રાંચચડા સ્થિત સુરમ્ય-૨ બંગ્લોઝમાં બુધવારે રાતના હથિયારો સાથે ત્રાટકેલા તસ્કરોએ રોકડ સહિત ૨૦ હજારની મત્તાની ચોરી કરી હતી. જ્યારે કારની ચોરી કરવાનો પ્રયાસ કર્યો હતો. પણ તે ન મળતા નાસી ગયા હતા. આ બનાવ અંગે ગાંધીનગર જિલ્લાની સાંતેજ પોલીસને જાણ કરવામાં આવી હતી. પરંતુ, ચોરીમાં ગયેલા મુદ્દામાલની રકમ માત્ર ૨૦ હજાર જ હોવાથી પોલીસે ફરિયાદ નોંધવાનું ટાળીને ફરિયાદી અને તેમના મિત્રને કલાકો સુધી પોલીસ ચોકી પર બેસાડીને પરેશાન કર્યા હતા. જો કે આ બાબતે રાજકોટ રેંજ આઇજીની મદદ લઇને ગાંધીનગર જિલ્લા પોલીસ વડાને જાણ કરી હતી.