મુંબઇ: ફરહાન અખ્તરનાં પ્રોડક્શન હાઉસની ફિલ્મ ‘ અગ્નિ’નું શૂટિંગ પૂર્ણ થઈ ચૂક્યાના આશરે દોઢ વર્ષ બાદ હવે રીલિઝની તૈયારીઓ શરુ કરાઈ છે. ઓક્ટોબર ૨૦૨૨માં આ ફિલ્મનું શૂટિંગ આટોપાઈ ચૂક્યું છે તેવી જાહેરાત ખુદ ફરહાને કરી હતી. જોકે, તે પછી તેની રીલિઝ ડેટ અંગે કોઈ અપડેટ અપાયું ન હતું. હવે ફરહાને આ ફિલ્મનું પહેલું પોસ્ટર રીલિઝ કર્યું છે. તે પરથી આ ફિલ્મની રીલિઝની તૈયારી ચાલી રહી છે તેમ મનાય છે.
ફિલ્મમાં પ્રતીક ગાંધી તથા દિવ્યેન્દુ શર્મા સહિતના નિવડેલા યુવા કલાકારો છે. ફિલ્મ ફાયરબ્રિગેડના જવાનો પર આધારિત છે.
શાહરુખ ખાનની ‘રઈસ ‘ ફિલ્મના સર્જક રાહુલ ધોળકિયાએ આ ફિલ્મનું દિગ્દર્શન કર્યું છે.